سهم الليل
11-09-2007, 21:19
العين عافت لذيذ النوم يا طيري××أبغي المقانيص يوم القنص لي عاده
السلام عليكم و رحمة الله و بركاته
في السنة عدة مواسم..و كل موسم له ناسه..
و أحلى هالمواسم...موسم القنص...
وما شاء الله المداعي اشتغلت..و الطيور المقيضة أظهورها...
و التلاويح طارت في كبد السما...
منو ما يحب المقناص...؟؟؟
لكم مني إخواني هذه المجموعة من المنوعات ف المقناص
عساها تحمسكم لعطلة الربيع و المقانيص...
يا موتري لا تضايق مـن مشاويـري
يوم أن راعيك جا المغباش لـه عـاده
مااظن يصلح يسوقـك واحـدٍ غيـري
أصايدك من الحصا وأرفق بك زيـاده
جيـب بدفـعٍ رباعـي نقلـة القيـري
ما ودك أنـه يشوفـه بعـض حسـاده
كم مرة في السهـل نمشـي مداويـري
وكم مرة قد مسكـت طويـق وشـداده
أحيان نسري وحينٍ نمشـي اعصيـري
واحيان قبل الفجـر والنـاس هجّـاده
يوم ان بعض العرب يهوى المصافيري
يجيه وقت الضحى والظهر في رقـاده
أهوى المغابيش قبل ايصوُت الطيـري
يوم ان بعض الشبـاب يكبّـر وسـاده
العين عافت لذيـذ النـوم يـا طيـري
أبغى المقانيص يوم القنص لـي عـاده
معنا اشقرٍ ضربته للخـرب تمزيـري
أفدغ وحرشٍ اكفوفه ويل مـن صـاده
مع هدّة الطير يذهـب كـل تفكيـري
أنسى مماتـي وكِـنّ العمـر بزيـاده
يا زِين شوف الحبـاري بالمناظيـري
فـي خـايـعٍ مابـعـد زاروه رُوّاده
ويازِين شوف العشاير و المظاهيـري
لا روّحت مع رقـاق الحـزم منقـاده
يا ماحـلا شرْبـك لـدرّ المباكيـري
أخير مـن نيـدوٍ بـه سكـر زيـاده
وماكول قرص الجمر مع تمرٍ وضيري
أحسـن مـن البيتـزا والشورمـا زاده
وجذبك بدلوٍ به الماء من جبـا البيـري
أخير من ماي صحـه وسـط بـرّاده
البر يسـوى مسلسـل سالـم الزيـري
وأحلا من مشاهد الكوره مـع استـاده
شوف البراري ولا شوف المقاصيـري
أو شوف نخلٍ ظمايـا واجـد عيـاده
في روضةٍ غـاديٍ للعشـب تنويـري
يازِين شوف الخضار وزِيـن مقعـاده
معـك نشامـا مخاوينـك مناعيـري
رجّالهـم منـوة للقـلـب واسْـعـاده
حولـك ادلالٍ بهـا البُـنّ المباهيـري
بهارها الهيل والمسمـار هـو اقنـاده
أحسن ولا رفقـة اربـوع ٍ معاثيـري
هرج القفا عندهم هـو ثالـث اعْيـاده
أحباب وأصحـاب بقلـوب المثابيـري
تضحك وهي لشذبة العرقـوب معتـاده
يقفونـك الهـرج بألسنـةٍ مناشيـري
واحَدْهم إلى نصحتـه زاد فـي عْنـاده
هذاك كُبّـه فـلا بـه نفـعٍ وخيـري
ما يتّعظ في الكـلام الزيـن وارشـاده
نومـك بجـو خـلا مافيـه تكديـري
يسوى الفنادق وقصـرٍ قلَّـوا أجـواده
ما حولـك ألا الطيـور أم المناقيـري
امنفّـضـة ريشـهـا للـجـو رَوَّاده
ورزقك على اللي رزق لدباش والطيري
اللي فرض ركن حج البيـت واجهـاده
الرزق عنـد الولـي رب المقاديـري
اللي جعـل للخلايـق ذكـر وعبـاده
وصلاة ربي عـدد وبـل الشخاتيـري
على نبي جعـل يثـرب هـي بـلاده
تحــــــــــــــــــياتي
السلام عليكم و رحمة الله و بركاته
في السنة عدة مواسم..و كل موسم له ناسه..
و أحلى هالمواسم...موسم القنص...
وما شاء الله المداعي اشتغلت..و الطيور المقيضة أظهورها...
و التلاويح طارت في كبد السما...
منو ما يحب المقناص...؟؟؟
لكم مني إخواني هذه المجموعة من المنوعات ف المقناص
عساها تحمسكم لعطلة الربيع و المقانيص...
يا موتري لا تضايق مـن مشاويـري
يوم أن راعيك جا المغباش لـه عـاده
مااظن يصلح يسوقـك واحـدٍ غيـري
أصايدك من الحصا وأرفق بك زيـاده
جيـب بدفـعٍ رباعـي نقلـة القيـري
ما ودك أنـه يشوفـه بعـض حسـاده
كم مرة في السهـل نمشـي مداويـري
وكم مرة قد مسكـت طويـق وشـداده
أحيان نسري وحينٍ نمشـي اعصيـري
واحيان قبل الفجـر والنـاس هجّـاده
يوم ان بعض العرب يهوى المصافيري
يجيه وقت الضحى والظهر في رقـاده
أهوى المغابيش قبل ايصوُت الطيـري
يوم ان بعض الشبـاب يكبّـر وسـاده
العين عافت لذيـذ النـوم يـا طيـري
أبغى المقانيص يوم القنص لـي عـاده
معنا اشقرٍ ضربته للخـرب تمزيـري
أفدغ وحرشٍ اكفوفه ويل مـن صـاده
مع هدّة الطير يذهـب كـل تفكيـري
أنسى مماتـي وكِـنّ العمـر بزيـاده
يا زِين شوف الحبـاري بالمناظيـري
فـي خـايـعٍ مابـعـد زاروه رُوّاده
ويازِين شوف العشاير و المظاهيـري
لا روّحت مع رقـاق الحـزم منقـاده
يا ماحـلا شرْبـك لـدرّ المباكيـري
أخير مـن نيـدوٍ بـه سكـر زيـاده
وماكول قرص الجمر مع تمرٍ وضيري
أحسـن مـن البيتـزا والشورمـا زاده
وجذبك بدلوٍ به الماء من جبـا البيـري
أخير من ماي صحـه وسـط بـرّاده
البر يسـوى مسلسـل سالـم الزيـري
وأحلا من مشاهد الكوره مـع استـاده
شوف البراري ولا شوف المقاصيـري
أو شوف نخلٍ ظمايـا واجـد عيـاده
في روضةٍ غـاديٍ للعشـب تنويـري
يازِين شوف الخضار وزِيـن مقعـاده
معـك نشامـا مخاوينـك مناعيـري
رجّالهـم منـوة للقـلـب واسْـعـاده
حولـك ادلالٍ بهـا البُـنّ المباهيـري
بهارها الهيل والمسمـار هـو اقنـاده
أحسن ولا رفقـة اربـوع ٍ معاثيـري
هرج القفا عندهم هـو ثالـث اعْيـاده
أحباب وأصحـاب بقلـوب المثابيـري
تضحك وهي لشذبة العرقـوب معتـاده
يقفونـك الهـرج بألسنـةٍ مناشيـري
واحَدْهم إلى نصحتـه زاد فـي عْنـاده
هذاك كُبّـه فـلا بـه نفـعٍ وخيـري
ما يتّعظ في الكـلام الزيـن وارشـاده
نومـك بجـو خـلا مافيـه تكديـري
يسوى الفنادق وقصـرٍ قلَّـوا أجـواده
ما حولـك ألا الطيـور أم المناقيـري
امنفّـضـة ريشـهـا للـجـو رَوَّاده
ورزقك على اللي رزق لدباش والطيري
اللي فرض ركن حج البيـت واجهـاده
الرزق عنـد الولـي رب المقاديـري
اللي جعـل للخلايـق ذكـر وعبـاده
وصلاة ربي عـدد وبـل الشخاتيـري
على نبي جعـل يثـرب هـي بـلاده
تحــــــــــــــــــياتي